اكتب ايه
اكتب ايه
؟؟
اصلى مسافر قريب
فقلت اكتب حاجه الناس تفتكرنى بيها
يمكن الواحد ميرجعش تانى
ربنا يستر
مشترك فى احد المنتديات الظريفه
المنتدى الوحيد اللى بكتب فيه
لاحظت فى اخر فتره خناقات كتير بين الناس
مش عارف بقيت حاسس ان الناس بتتلكك لبعضها
اذ كان الناس مش قادره تسامح و تستحمل بعض على النت
المجتمع الافتراضى اللى انت مش شايف اللى قدامك و متعرفش شكله و لا اسمه الحقيقى و لا ساكن فين و لا اهتمامته
اذ كان مش قادر تحل مشاكلك البسيطه دى
هتعمل ايه فى ارض الواقع
هتاكل اللى قدامك
؟
ليه مبقناش نستحمل بعض
يمكن عشان مبنفرغش الشحنات اللى جوانا
لو واحد ضايقك صارحه
مش تقعد تشيل فى نفسك
تشيل فى نفسك
لغايه ما فى الاخر تلاقى الواحد بيتهيئله ان اللى قدامه ده مستأقصده
اه يا ابن ال _____
انا عارفه ده حرامى
خلى بالك منه ده ظالم
و يا سلام لو اللى بيسمعلوه من الناس اللى بيصدقوا بسرعه
تلاقيه خد انطباع يمكن من قبل ما يعرف الشخص ده انه ابن 60 فى 70
و تلاقى المشاكل عاده تكبر على فاشوش
يعنى مثال
الحرب العالميه الاولى
بدأت ازاى
ان واحد صربى اغتال دوق نمساوى
ازاى يحصل كده
طب اقبضوا على الراجل و خلاص
راحاو اعلنوا الحرب بعض
و دخلت دول كتير تزيط فى الزيطه
و فى ا لاخر خلصت بحرب 4 سنين وقع فيها بتاع 30 مليون قتيل
حاجه كده
هو اكيد الطمع ليه دور كبير
و الاستعماريه و السياسه
بس بدأت بحاجه صغيره جدا كانت ممكن تتحل
عشان كده حاول على قد ما تقدر تحل مشاكلك على الفور
متأجلش حاجه
اقطع عرق و سيح دم
هههههههههههههه
مثال تانى اللى بيحصل بين حماس و فتح
تراكمات لمشاكل متحلتش فى اولها
و قعدت تكبر و تكبر
لغايه ما وصلت للحال ده
و مثال لكده الكثير من الحروب الاهليه اللى حصلت فى التاريخ
و الخناقات البسيطه اللى بتحصل بينا كل يوم
او الاختلافات
حلووووووووووووها بسرعه
5 التعليقات:
غير معرف يقول...
مسافر وهتسبنا ...
يا خسارة كان نفسى أقابلك بكرة أو بعده ...
ايه رأيك أستنى لغاية 20 8 :D
غير معرف يقول...
تروح وترجع بالسلامه يا عم نيمو
بس انا شخصيا موعدكش انى هفتكرك بالموضوع ده............
لأنى مش بنساك اصلا
:)
Abdo
Dr Nemo يقول...
شكرا ليك يا غير معرف
نتقابل ان شاء الله قريب
بس حضرتك مين؟؟؟
عبدو حبيبى تسلملى يا غاالى
أنس خالد يقول...
تروح وترجع بالسلامة ..بس منتدى شمساوي على كده منذ البداية .. كما الحياة
Dr Nemo يقول...
الله يسلمك يا انوسى
ربنا يصلح حال الناس
بجد عشان هيتعبوا كده فى الحياه الواقعيه المليئه بالمشاكل الحقيقيه