11:09 م - Posted by Dr Nemo - 2 التعليقات



خمس قرن ( بضم الخاء )
ياااااااه الواحد عجز
و بقه المفروض يعنى يتصرف كانسان ناضج
بس لسه الطفوله و مرح العيال بيضرب كتير فى دماغ الواحد
يا ترى انا كبرت بجد و لا لسه صغير
جزء منى عاوز يفضل صغير يلعب و يزأطط
و جزء عايز يكبر و يشيل المسئوليه
نهم العلم و المعرفه و انك تشوف جديد
كل يوم منظورك للدنيا بيكبر و يوسع
ممكن حد يتيرق عليا و يقولى نهم علم ايه انت هتعيش الدور
لا بجد المعرفه و انك تتعلم جديد شعور جميل جدا
للى يقدره
نفسى كمان كذا سنه اكون شغال فى هيئات الاغاثه العالميه
زى اطباء بلا حدود
و الف العالم
نفسى اتعلم حاجه جديده كل يوم
نفسى اكون صداقات جديده كل يوم
نفسى انجح دايما فى حياتى
نفسى فى حاجات كتير
نفسى افيد دينى و اهلى و الناس كلهم
عدا 20 سنه و الناتج مش كبير
بس حسبى ان دول سنين الواحد بيبنى فيهم الاساس
فيا رب أقدر احط  الاساس بذمه
انا فرحان بجد
الحمد لله
كل سنه و انا طيب