8:28 م - Posted by Dr Nemo - 1 التعليقات
بسم الله الرحمن الرحيم
عندى انهارده موضعين عاوز اتكلم فيهم
يل نبدأ بأول واحد
كان معايا واحد صاحبى فى المدرسه ايام ثانوى
كان اسمه باسم
كان قاعد ورايا على طول فى اللجنه ايام الامتحانات
مكانش صاحبى اوى
و مكانش زميل و خلاص
يعنى حاجه فى النص
زميل قريب
او صاحب مش قريب
مش مهم
زى ما تسموها
كان شاب زى الفل طويل
طولى كده
و حليوه و كان عليه ابتسامه جميله
كنت بحبها
المهم خلصت ايام ثانوى
و طبعا معظم الناس بتوع المدرسه
اللهم الا 3 اتقطعت اخبارى بيهم
كنت بلقط أخبارهم من اصحابى ال 3 دول
اشوف بقيه العيال عملوا ايه فى الدراسه و أخبارهم ايه
ففى يوم السنه اللى فاتت
أتصل واحد منهم بيا
ازيك يا فلان عامل ايه واحشنى
عاش من شايفك
و كده يعنى
بس الرد كان مش اللى متعود عليه
رد حزين
انت مسمعتش اللى حصل ؟
خييييييير اللهم اجعله خير
مش عارف مين و مين و مين عملوا حادثه بالعربيه
و باسم مات
مات
؟؟؟
انت بتقول ايه يا عم
؟
!
لا حول و لا قوه الا بالله


الكلام ده بقاله سنه
و بالظبط ذكرى وفاته الاولى يوم 22\3
بعد بكره
روحت انا العزا
كان فى جامع رابعه
أبوه كان منهار
الله يكون فى عونه
يااااااااااه بقى ابنه اللى رباه
و شافه بيكبر قدامه يوم بعد يوم
حلمه اللى كان بذره صغيره كبر و بقى شجره كبيره

و دخل الكليه و قرب يبقى مهندس
قد الدنيا
و الناس تقوله يا باشمهندس
و هانت
كام سنه و يجوزه و يبقى عنده عيال أمامير
كل ده راح فى لحظه
و جه اليوم اللى بيشوف ابنه
بيدفن قدام عينه


موقف صعب جدا
جدا
كل اللى اتبقى من انسان كان عايش وسطنا
بيروج و يجى
ذكرى فى خيالنا
و اسم على مصاحف اتوزعت


اللى اتعلمته انه الدنيا متبقاش لحد
صلى الله عليه و سلم لما قال
اعمل لاخرتك كانك تموت غدا
يا ريت يا جماعه اللى شايف فى نفسه حاجه غلط
ميتاخرش فى اصلاحها
لو يقدر يقوم يعملها دلوقتى مياجلهاش لبكره
ميقولش يا سيدى
العمر طويييل
يبقى يحلها الف حلال
ربك هيفرجها
و انت ممكن تكون خلاص
بتشطب
عدادك هيضرب
الله يرحمه رحمه واسعه
يا ريت تقروا الفاتحه ليه
و ادعوله ربنا يغفر له و يرحمه
و يجعل قبره من رياض الجنه
امين



الموضوع التانى
عاوز يوم لوحده
هو ذكرى المولد
مولد سيدنا محمد صلى الله عليه و سلم
بس ده هاخليه الخميس الجاى ان شاء الله
عشان ده عاوز مقاله لوحده
كل سنه و انتم طيبين
و صلوا على النبى و
للحديث بقيه ان شاء الله

السلام عليكم





1:26 ص - Posted by Dr Nemo - 0 التعليقات



أزرع الثقه بنفسك بـ3 كلمات .........

الكثير تنقصه الثقة في النفس في شتى مجالات حياته
وقد تحدث بعض الأمور تعيق هذه الثقة
لذلك لنقرأ هذه الكلمات البسيطة بتمعن
ونؤمن بجدواها ومدى فعاليتها في النفس :

سـئـل نـــابليـــــون :
كيف استطعت أن تولد الثقة في نفوس أفراد جيشك .؟!

فأجاب : كنت أرد على ثلاث بثلاث ؟؟
- من قال لا أقدر ... قلت له ... حاول .
- من قال لا أعرف ... قلت له ... تعلم .
- من قال مستحيل ... قلت له ... جرب .

كلمات بسيطة وسهلة ولكنها ذات تأثير كبير في النفس

فقط نحن محتاجون للإيمان بمدى تأثير هذه الكلمات

فهل سنحاول ونتعلم ونجرب ؟؟



منقووووووووووول



9:54 م - Posted by Dr Nemo - 0 التعليقات
كان فجر يوم من ايام شهر فبراير
كان الجو برد
و الشارع فاضى اللهم الا من بعض المصلين
اللى كانوا رايحين يصلوا الفجر
كان الجامع  فى اخر البلد
كان يسود جو غريب
احساس بالغموض ييمكن
المهم وصل  الحاج ياسر للجامع
دخل اتوضى و صلى ركعتين و قعد يسبح عقبال ما يقيموا الصلاه
المهم اقاموا الصلاه و قام يلى مع بقيه المصلين
صاحبنا الحاج ياسر سرح شويه فى الصلاه
عشان  كان بيفكر فى عياله و اكل عيشه و الغلا
بس فى ايه سمعها
لزقت فى دماغه
( و لما راى المؤمنون الاحزاب قالوا هذا ما وعدنا الله و رسوله و صدق الله  و رسوله و ما زادوهم الا ايمانا و تثبيتا )
المهم خلصت الصلاه
و الايه لسه لازقه فى دماغ عمنا ياسر
و ماشى فى السكه و الايه لزقه فى دماغه
عقبال ما دخل الشارع بتاع بيته سمع صووووت مألوف
ووووووووووووووو
يا ساتر  دا صوت الاباتشى
دا هيبقى فى قذف اسرائلى لغزه
بلدى تانى
مفيش دقيقتين و لقا  3 صواريخ دكت بيته دكا
قدام عينه
لااااااااااااااا   عيالى
قالها و عينه بتدمع
طلع يجرى على الانقاض اللى اتبقت من بيته
و قعد يدور و يزق الحطام
و يبكى  محمد و احمد و ابراهيم
قعد شريط طويل يمشى قدامه صوره كل عيل
و يوم ما اتولد
و يوم ما بدا يتكلم
و يوم ما دخل المدرسه
قعد يدور و يزق فى الحطام لغايه ما ياس
و قعد يبكى فوق الانقاض
لغايه ما الايه بدات تدور فى دماغه
( و لما راى المؤمنون الاحزاب قالوا هذا ما وعدنا الله و رسوله و صدق الله  و رسوله و ما زادوهم الا ايمانا و تثبيتا )
قام و انتفض و قال لنفسه
عسى ان يجمعنى الله بكم فى الفردوس الاعلى
قالها و الابتسامه بتزق الدموع من وشه
لما تخيل احمد و هو نايم تحت شجره تفاح فى الجنه
و بيناديه يقوله مكانك محجوز يا ابوى  انت اصبر بس
و محمد نايم تحت شجره الموز و بيقولوه بتعيط ليه يا بابا امن مبتتمناش لينا الخير
اما ابراهيم فكان بيتمشى على نهر فى الجنه
بيقوله يلا يا حاج هنستناك كتير
و الافكار دى بتلف فى دماغه سمع صوت انفجار جامد فى الشارع اللى وراهم
و توالت الانفجارات
طلع يجرى يشوف لو يقدر يقدم  مساعده
لقا بتوع الاسعاف كان وصلوا هناك و كانوا عايزين ناس تساعدهم
فى ازاله الانقاض
بدا يشيل معاهم و يدور على اى ناجيين
و بدا ينتقل من بيت لبيت
ينقذ عشرات من الضحايا
و الانفجارات تتوالى
و الشهداء بيسقطوا
و فجاءه افتكر حاجه مهمه
ن فى بيت واحد من رجال المقاومه الشعبيه
كان فى 5 عيال ولاد المقاوم ده
و استنتج اكيد ان ده هدف الطايرات الجاى
طلع يجرى على البيت
مشى من شارع لشارع
بيدعى ربنا انه يلحق يوصل
بعد 10 دقايق وصل البيت و فى سرعه البرق طلع السلالم و شرح للاهل البيت الحكايه و بدا ينزل العيال
نزل الاول
و التانى و بدا قلبه يدق
خايف العيال يحصلهم حاجه و الوقت بيزنقه
طلع يجرى فى سرعه ميعرفش جت منين
مش مناسبه خالص لسنين عمره الستين
و جاب الثالث و الرابع
و تنفس الصعداء شويه
خلاص هاجيب عيل و تخلص الحكايه
و هو بيطلع عشان يجيبه
رج انفجار كبير غزه بحالها
دمر البيت و بيتين جنبه
و استشهد
.
.
.
استشهد بعد ما ساهم فى انقاذ عائلات كتيره من تحت الركام
استشهد و حصل اولاده الثلاثه
و امهم اللى استشهدت على احد المعابر من كذا سنه
....
...
..
.
دى قصه خياليه
و يمكن حقيقيه
الله اعلم يمكن حصلت
او بيحصل زيها كل يوم
من كام يوم شوفنا  البهايم و هما بيضربوا فى غزه
مرحموش عيل و لا رضيع
و لا شيخ و لا كبير
لا حول و لا قوه الا الله
اللهم ثبت اقدامهم
انصرهم
اعف عنهم
اكسهم
احفظهم



يا جماعه اضعف الايمان
الدعاء
يا ريت متنسوهمش فى كل صلاه بدعاء
يا ريت
السلام عليكم






8:28 م - Posted by Dr Nemo - 5 التعليقات

هى المشاركه طويله حبتين يا ريت تستحملونى


ليله نتيجه الثانويه العامه
الساعه 12 بليل
كله مترقب
الشبكه واقعه
و النتيجه مش راضيه تتطلع
الاب قاعد على الكومبيوتر يسب و يلعن فى اهمال الوزاره
و ازاى عامله موقع تعبان
( يا بابا انت عارف مليون واحد بيدخلوا يشوفوا النتيجه دا لو ياهوو كان وقع )
قالتها بنته
كان عندها 16 سنه
ورده مفتحه
شعر الاصفر الذهبى و العيون الزيتونى
كانت بونبونيه العيله
المهم طلعت النتيجه بعد انتظار طويل
المهم ابوها بيقولها انت جبتى 98 فى الميه
ههههههههههههههههههههه
كان رد البنت طبعا
يا بابا بعد ك القعده على النت كتبت رقم جلوسى غلط
قلتلك اجيب لك النضاره
بس يا بت انا كتبته صح
تعالى شوفى كده
راحت تشوف
يا نهار فحلقى
دا بيتكلم بجد
دا انا جبتها منين دى
لكونش كنت بذاكر و انا مش واخده بالى
لولولولولولوولولى
كانت زغروده الام و الاب كمان
بنتهم الوحيده هتدخل كليه الطب
( اعوذ بالله !!!! )
و عدت الايام و قدموا التنسيق
و بقا عندهم دكتوره فى البيت
دكتوره رايحه الدكتوره جايه
عدت سنه اولى
الهستولوجى الخنيق
و البيو الحقير
و الفسيولوجى المتوسط
و الاناتومى الظريف
كانت بذلت جهد كبير
و كانت مستنيه يوم النتيجه
( ايه السيره الهباب دى ؟؟؟ )
(الحقى النتيجه طلعت !!!! )
قالتها صاحبتها قفلت السكه على طول
المهم صاحبتنا طلعت تجرى على الكليه
رايحه تشوف النتيجه
وصلت على الساعه 11 الصبح
لقت الشعب العربى كله واقف على النتيجه
و صاحبتنا كانت قصيره
ههههههههههه
و طبعا متخييلين الموقف
( ايه عملتى ايه يا دكتوره )
لفت تشوف مين بيتكلم وا ن كان صوته مالوف
كان واحد معاها فى السكشن
شاب زى الفل طويل جسم رياضى بس كان أصلع؟؟!!!
اثر الكليه بقى
( احم احم انا مش طايله حاجه مشفتش لسه تقدر تشوفهالى بعد اذنك )
اوى اوى بس كده
و هو واقف فى مكانه
( سبحان الله !!! )
جاب النتيجه
( مبروووووووووووك يا بنتى جبتى امتياز )
مين
؟
دا ايه ه
كام فى الميه يعنى
86 فى الميه
يا خرابى ناقصه 14 فى الميه
(ههههههههههه )
دا كان رده
( اهلا بيكى فى درجات الجامعات انت كده مرتبه يا دكتوره على الدفعه )
مصدقتش نفسها طبعا لغايه ما طلع الترتيب
عدت الايام و السنين و عدت سنه تانيه و حلاوتها
و تالته وأرفها
و رابعه و جديدها
و خامسه و الباطنه
و ما ادراك ما الباطنه
لا تبقى و لا تذر
لواحه للبشر
عليها اثنى عشر كتاب و فى روايه اخرى 20 كتاب
(لييييييييييييييييييييييييييييييييييه )
فى الخمس السنين اللى عدوا دول
لاحظت صاحبتنا ان زميلها اياه كان بيحاول يقرب منها
بس كانت دايما بتحط حد وهمى بينها و بين اى ولد عموما
عشان كذا اعتبار
اول حاجه انها مسلمه و عمرها مهتعمل حاجه ربنا يغضب عليها بسببها
زائد ان شعارها كن دايما
ما كان الحياء فى شىء الا زانه
( خلاه حلو يعنى )
و بينى و بينكم برضه هى كانت بتقول برضه انه كان بيلمح من بعيد لبعيد
بدأ قلبها ينجذبله
و كبدها يحنله
و مخها يتشدله
( من وحى الاناتومى بقه )
لغايه ما يوم نتيجه سنه 5 جه كلمها
قالها على حبه و انه طالبه لذاتها
هما خلوا الحكايه عايمه
او يعنى متعلقه لغايه ما ربنا ياذن
قالوا نضرب كذا عصفور بحجر
و الله اظفر بذات الدين تربت يداك
صلى الله عليه و سلم
فيحسنوا نفسهم عشان يكونوا لاقئين فى هذا الشرط
و الا يكونوا اخلوا باهم شرط للزواج الصالح
زائد انهم عارفين انهم شايلين امانه فى رقبتهم من اهلهم
انهم يحفظوا نفسهم و دينهم واهلهم
و عمرهم ما هيخونوا الامانه دى
امال ازاى هيتحملوا امانه حياه كامله بعد كده
و حياه اسره
( المهم فضلت الدنيا ماشيه زى ما ربنا قدرلها )
فى سنه سته كانت صحبتنا على موعد مع النسا
عجبتها فى الماده دى
انها بتولد حياه
او بتطلع روح جديده او تظهر روح للدنيا
كانت بتتخيل نفسها و هى ماسكه الطفل
و تقول يااااااااه
اول واحد هيشوفه فى الدنيا هو انا
قبل مامته و باباه
سبحان الله
عدت الايام و اختمرت الفكره فى دماغها
بس استنت لغايه ما خلصت امتحانات
و قالت لاصحابها البنات
انا عاوزه اتخصص نسا
يا بنت يهديكى يراضيكى دا انتى من اوائل الدفعه
خشى كرديو
لا انا عاوزه نسا
و هاستنى الامتياز لما يعدى و ابدا احضر



كل اللى فات من الاول ده كان ذكريات
كانت واقفه فى شباك مستشفى النسا
فى فتره امتيازها
بتفتكر شريط حياتها
يوم خلصت الثانويه
و لما خلصت اولى و تانيه و تالته و رابعه و خمسه و سته
يااااااااااه مشوار طويل اوى
بتفتكر كل كلمه سالتها
كل اجابه جاوبتها
و كل نمره جابتها
و كل نمره فلتت منها
بعد كده ابتسمت
صاحبنا اياااااااااه اتفق مع والدها انه هيجى يزورهم بعد يومين
اخييييييييييرا الحلم هيبقى علم
اد ايه كانت مستنيه اليوم ده من زماااااااااان
( يا دكتوووووووووووره فى حاله ولاده )
انتزعها صوت التمرجيه من شريط الذكريات
طلعت تجرى فى الكوريدور
و هى رايحه تعمل اول عمليه قيصرى لها
سلمت على الست
كانت قرويه غلبانه
و قلقانه اوى
سقطت قبل كده مرتين
طمنتها و قالتهلها احنا هنعملك قيصرى
متقلقيش
بدات العمليه بعد المخدر
و بدات تقطع بالخط العرضى
زى ما خدوا فى النسا او الجراحه
بدا سيل من الافكار ينزل عليها
و ايدها شغاله
ازاى هتكون سبب فى ان نفس جديده هتطلع
يااااااه انا الغلبانه هاطلع روح جديده للعالم
(سبحانك يا رب بسم الله الرحمن الرحيم )
قالتها و هى بتسحب العيل
بسم الله ما شاء الله قالتها و هى بتدى العيل لامه
بس ملقتش امه
لقت ملاك بابتسامه عريضه
لقت الروح الكبيره اللى اتخلق منها الروح الصغيره
( ربنا يكرمك يا دكتوره
ربنا يعلى مراتبك )
قالتها للدكتوره و هى بتسيب الاوضه
ووشها محمر من الخجل
الحمد لله
الحمد لله




اليوم اللى بعده اتاخرت على الشغل
عدت ساعه و اتنين و مفيش خبر
فجاه








لقى اصحابها وورقه بتتعلق






( الاعلان دا حقيقى و متعلق فى الكليه
الله يرحم صاحبته و يغفر لها
القصه دى من وحى خيالى
ممكن احداثها او اجزاء منها تحل لاى حد فينا
بس الواحد مش ضامن عمره
الموت ممكن يجيى فى اى لحظه
انا مبقلش منعش و لا نتقوقع فى حياتنا
بس نبقى ضامنين ان لو جالنا الموت فى اى لحظه
و اتقلنا ماذا اعددت للاخره
تقول بكل ثقه
حب الله و حب رسوله
طاعه الله و طاعه رسوله
خشيه الله و خشيه رسوله
حب الناس و مساعدتهم



معلش طولت عليكم المرادى استحملونى
يا ريت تدعوا للدكتوره صاحبه الاعلان ( انا معرفهاش بس ادعولها )
و يا ريت تشاركونى برايكم فى الاستبيان
فوق على الشمال
السلام عليكم



9:19 م - Posted by Dr Nemo - 3 التعليقات
الاذى لمجرد الاذى
دى عناوين الاخبار انهارده
فى يوم من الايام
صاحى بدرى عشان احضر جمال
باينى كان العملى
و الدرس الساعه 8 الصبح
( مش طالبه خالص )
يلا ما علينا
نزلت اخر الكوبرى و بتمشى وسط الهواء العليل ناحيه فلفله
المهم لقيت المرحوم ده
كانت لوحه اعلانات زى اى لوحه اعلانات
عندها امل فى المستقبل
تشيل يوم اعلان لاحد المشاهير
و الناس تيجى تقف و تتفرج عليها
و هى تتمايل يمين و شمال
و تغيظ بقيه لوح الاعلانات
بس الزمن غدار
جه بعض المؤذين
اللى هشموها لاشلاء متطايره
اكيد و الله اعلم انهم مستفادوش حاجه
بس للاسف دى ثقافه سايده فى شعبنا الغالى
الاذى لمجرد الاذى
عشان بيستمتع بانه كسر دمر بوظ
اظن و الله اعلم ان الغلابه احوالنا جواهم شحنه غل و غيظ
كل واحد بيطلع غيظه فى اللى اضعف منه
فدا يا عينى واحد غلبان ملقاش الا لوحه الاعلانات
راح بطحها
طب و هى مال اهلها
؟؟؟
يعنى تكسرها ليه افهم بس
لو مش عجباك متبصش عليها
اعمل عبيط
لو جواك غل حاول تحل المشكله
هو صحيح بينى و بينك انى لو متغاظ من دكتور مثلا
اسهلى من انى اكلم الدكتور
انى اروح اكسرلى حاجه
بس المشكله متحلتش
و لو المشكله ليها حل غالبا بنلجا للعنف
يمكن عشان نستقوى على الناس
او نوريهم ان اليوم اللى داسوا فى على طرف لينا
كان يوم اسود عليهم
طب يا عم و الله المشكله اتحلت على طول
يبقى قشطه
مش لازم تفرد عضلاتك علينا
و الله لو المشكله ملكعه
او انت من الغلابه حالتنا
يبقى عليك عدل على ربنا
ناس كتير بتكسل او تقلك اخد حقى بدراعى
او تقول يمكن ربنا ميستجبش
اقولك دى مش بتاعتك
انت لو عملت اللى عليك و دعي
سيب الباقى على ربنا
و الخير هيجيلك
دى مش مثاليه فضلى و لا كلام و حكم
دا المنطق
لو اللى ظلمك اقوى منك
تروح للاقوى منه
صح
و هل فى اقوى من ربنا
؟؟؟؟
اشوفكم الاسبوع الجاى
سلام عليكم و رحمه الله و بركاته