5:11 م - Posted by Dr Nemo - 0 التعليقات
هييييييييييييه
اخيرا حد عبرنى
بجد اول مره احس ان حد أهتم و رد عليا
و ناقشنى
حسسنى ان اللى انا بقوله مش كلام منزل
فعلا الكلام اخذ و عطا بس اللى كان بيحصل
كان عطا بس
يا ريت امزيد من الناس تشاركنى حتى لو عن طريق الميل
بجد انا باسمع برضه
فى امل فى
يمكن تغيروا فيا حاجه للافضل
مين عالم
..
..
..
اللى بالاحمر هى المشاركه بتاعتى   
اللى هى المشاركه قبل اللى فاتت
اللىبالاخضر الباهت ده تعليق صاحب الايميل
و اللى بلاخضر التقيل ده تعليقى
..
..
..
انا مش هاقول اسم صاحب التعليق
بس هاسيبه ليكم تقروه
..
..
..

www.karakeeeeeeb.blogspot.com
تبقى تشرفونا على البلوج

السلام عليكم
تعليقا على البلوج
انا مش عارف ازاى بضيفه معنديش account
المهم..
..
..
اللى عاوز يضيف تعليق حتى لو معندوش اكونت
ينقى من اختيار الهويه ينقى غير معرف
او يبعته ايميل
..
..
-------------------------------------------------------
مثال حى أحد الناس اللى خسرتهم على ارض الواقع 
قلب معايا بتجاهل 

مفيش شك ان التجاهل وحش جدا
لكن اذا فضلت انت تتجاهل والشخص التانى يتجاهل ايه النهاية؟
القصة دى مثلا زى اصحاب ثانوي
الواحد بعد ما دخل الكلية علاقته بيهم قلت وما عادتش زى الاول صح
ليه انت بتبطل تسال وصاحبك بيبطل سال
خلاص يبقى هتنسو ابعض او تقاطعو بعض
طيب لو انت باقى على علاقتكم دى تعالى على نفسك شوية وابدا انت الكلام
ممكن تلومه بس باسلوب كويس بحيث انه ما يندمش انك رجعت كلمته
..
..
بجد التجاهل حاجه سيئه جدا
بس انا متفق  ان لو كل طرف من الطرفين أصر على رأيه
و دخل فى ما يشبه دائره العند 
يبقى مفيش حل هيظهر
بس فى بعض الاحيان ممكن انا اللى أبدأ
و اجرب ارجع عن تصرف زعل اللى قدامى بس ملاقيش استجابه
ساعتها ممكن اجرب مره او اتنين او تلاته كمان 
بس بعد كده خلاص
انا مقدرش اجبره على حاجه
و فى نفس الوقت انا مش هافرض نفسى عليه
..
..
-------------------------------------------------------
انك تلاقى واحد منفضلك 
او ضربلك طناش 
بجد بتحزن اوى
و للاسف حصل معايا الموقف ده
بالذات لو كنت فى موقف فرحان اوى فيه
و طالع السما
و نفسك الناس تفرح معاك
او تقلك على الاقل مبروك
و حسيت ان فى حد مبيشارككش فرحتك
او ساب المكان و مشى
بجد حاجه تزعل

متعرفش ظروف الناس ايه فبلاش تحكم من غير سبب
..
..
ماشى بس  لو كان المنظر العام يوحى بكده
ممكن صدفه
مممممممم
ماشى
بس صعب
-------------------------------------------------------

غير كده ممكن عوامل خارجيه تاثر على نظره احد الطرفين للاخر
او يحصل موقف غير مباشر يفسر تفسير خاطىء
فالعمليه
تتنيــــــــــــــــــــــــــل اكتر

يبقى احسن حل انك تبررالعوامل دى او المواقف حتى لو لم يطلب منك 
..
..
فى بعض العوامل لا تفسر
أو فى بعض الاحيان ممكن تزيد المشكله
او ادخل نفسى فى دايره الشبهات ليه
زائد ان المفروض يبقى فى هامش ثقه بين اى شخصين او طرفين او اى 2

-------------------------------------------------------
يمكن المجتمع او البيئه او قيمنا و دينا يمكن يقفوا عائق
او يكونوا سبب من المشكله
مع انهم فى الحقيقه قد يكونوا منظمين
و منسقين للحياه الاجتماعيه
و ان كان ليس دائما

عمر الدين مهما كان الموقف كان عائق ادام اى علاقة بالعكس الدين هو اللى بيقولك ازاى تعامل صاحبك او ايه حدود العلاقة بينكو
او حتى زميلاتك البنات كمان 
عايزين نمشيه على هوانا عشان كده بنحس انه بيتعارض معانا
لكن ابدا 
..
..
انا اتفق معاك
بدليل انى قلت
انهم فى الحقيقه منسقين
بس لما عقبت و ان لم يكن دائما
يمكن عشان عاوزين نمشيه على هوانا
بس مش لازم الدين
فبعض التقاليد او العادات او العرف
ليه دور فى العلاقات الانسانيه
و هنا العرف عكس الدين
يحتمل الصواب و يحتمل الخطأ
يحتمل ان يكون سبب للمشاكل

---------------------------------------------------

طول فتره معرفتنا 
يا ترى لحظه الغضب دى 
او لحظه الزعل دى 
ممكن تطير كل حاجه حلوه 

عشان كده قال ربنا سبحانه وتعالى قال:"والكاظمين الغيظ والعافين عن الناس" 
ليس الشديد بالصرعة انما الشديد الذي يملك نفسه عند الغضب او كما قال صلى الله عليه وسلم

ختاما متزعلش حد منك
وعامل الناس كما تحب ان يعاملوك

فعلا ملقتش خاتمه احسن من كده
ليس الشديد بالصرعه
صدق رسول الله صلى الله عليه و سلم
شكرااااااااا على الرد
و فى انتظار المزيد


11:28 ص - Posted by Dr Nemo - 1 التعليقات
ليه المشاكل
----------------------
أفتكر ساعات ان الواحد بيفتعل مشاكل من لا شىء
يمكن من اطراف تانيه بره الموضوع 
او غير اطلااف المشكله
اصلى سمعت ان كذا عمل كذا
و الله العظيم
!!!!!
طب مسئلتنيش ليه
اللى حصل بقا
استعجااااااااااال الحكم
أو يمكن احساس الفراغ المدمر
أوالاحساس بأن مفيش مشاكل يؤدى الى مشاكل
ازاى يا جدع ان يعنى
يعنى ان احنا مخلوقين عشان نشتغل و  نتعب و نكافح 
و فى نفس الوقت نفرح ونتنعم و ننبسط
فلما يتلغى جانب من الجانبين الدنيا هتبوظ
هنخش فى حاله ملل
و نضطر نوجد الحاجه اللى نقصانا
بمعنى
انا دلوقتى مكنسه كهربائيه
لو ملقتش تراب اشفطه
هافضل فى كارتونتى و مش هاشتغل
و لو عندى اراده هادلق شويه تراب
و اشفطه
امال انا معمول ليه
!!!!!!!!!
نفس الكلام بالنسبه للانسان
عشان كده من اسوء الحاجات اللى ممكن تمر بالانسان
حكايه الفراغ دى
و بجد الحمد لله على نعمه الانشغال
و هى فى الاول و فى الا خر ميزان 
المفروض توزن الكفتين
لا تميل نحو الافراط فى الانشغال بحيث انك تدخل دوامه تنسى فيها نفسك
و لا تدخل  فى دايره الفراغ و انك متلاقيش حاجه تعملها
و لا تقول ان الناس شايفانى 
او الناس هما اللى اثروا عليا
او ان ده لعب فى مخى
او ان ده هو السبب
الناس هتفضل تبص و تتكلم فى كل الحالات
الشاطر اللى يستفيد من النصح
و ينفض للافكار الهدامه
و خير الامور ايييييييييييه الوسط
و اياكم وافتعال المشاكل
و كل عام و انتم بخير
و دمتم بصحه و عافيه


6:01 م - Posted by Dr Nemo - 0 التعليقات



الانسان كائن اجتماعى يعيش فى مجموعات 
بنسمع الكلام من ايام المدارس 
عشان كده كانت العلاقات الاجتماعيه بين الناس مطلب اساسى لحياه الانسان 
ميقدرش انسان يعيش من غير ما يتواصل من غيره 
لو قلنا حتى اكثر شخصيه مكروهه فى العالم 
حتى ده ميقدرش يعيش من غير ناس 
فالخناق هنا وسيله تواصله 
لو قلنا اكثر الشخصيات عزله 
اكيد هتلاقى و لو شخصيه فى حياته 
بس مينفعش يكون عايش لوحده 
و بتتروح من شخص محتاج انسان على الاقل عشان يعيش 
لواحد محتاج عشرت او مئات يعرفهم 
و يبقى فرحان بيهم 
بس الاهم 
و اللى يمكن الناس مش واخده بالها منه 
ان مش مهم 
او مش الصعب انك تكسب ناس 
بس الصعب او الاهم انك متخسرش ناس 
انا بالنسبه لى 
لو خسرت احد ببقى مضايق جدا
 
مثال حى أحد الناس اللى خسرتهم على ارض الواقع 
قلب معايا بتجاهل 
و ده اكتر حاجه ممكن تأثر فى الانسان 
او فيا على الاقل 
انك تلاقى واحد منفضلك 
او ضربلك طناش 
بجد بتحزن اوى
و للاسف حصل معايا الموقف ده
بالذات لو كنت فى موقف فرحان اوى فيه
و طالع السما
و نفسك الناس تفرح معاك
او تقلك على الاقل مبروك
و حسيت ان فى حد مبيشارككش فرحتك
او ساب المكان و مشى
بجد حاجه تزعل

طب الحل ايه 
ممكن احد الحلول انك تفرض نفسك عليه برضه 
او تسيب الشخص ده على راحته او متفرضش نفسه عليه 
بس بتبقى حاجه تضايق 
فعلا ربنا ما يحرمكم مره من حد 
اى حد

المشكله انك لو خدت قرار
او قلت كلمه مبترجعش لبقك تانى
خلاص
سبق السيف العذل
يمكن انت خسرت اللى قدامك
بسبب غلطه منك
او بسبب غلطه من الطرف الاخر
او ممكن عوامل و ظروف خارجيه مش بيدكم
بس المشكله ان كلا الطرفين بيبص للطرف التانى على انه كامل الاوصاف
مفيش فيه اي عيب
مع انه كلنا فيه من العيوب ما يكفى البشريه


غير كده ممكن عوامل خارجيه تاثر على نظره احد الطرفين للاخر
او يحصل موقف غير مباشر يفسر تفسير خاطىء
فالعمليه
تتنيــــــــــــــــــــــــــل اكتر
سبحان الله
و خلق الانسان عجولا
فعلا بجد
عشان كده لازم نصبر
نستحمل بعض
عشان اسباب كتير
يمكن المجتمع او البيئه او قيمنا و دينا يمكن يقفوا عائق
او يكونوا سبب من المشكله
مع انهم فى الحقيقه قد يكونوا منظمين
و منسقين للحياه الاجتماعيه
و ان كان ليس دائما

عشان كده
يا ريت عمركم ما تستهونوا بحد 
مش عشان مصلحه بتكسبها من وراه 
بس بجد 
بجد 
معرفه الناس كنوز 
يا ريت نحب بعض بجد 
نغفر لبعض 

لو جينا نزعل يوم نفتكر الرصيد الحلو اللى قدامنا كونه طول فتره معرفتنا 
يا ترى لحظه الغضب دى 
او لحظه الزعل دى 
ممكن تطير كل حاجه حلوه 
ربنا يكرمنا و يهدينا جميعا 
اللهم لا تجعل فى قلوبنا غل للذين امنوا 
امييييييييين

معلش شويه افكار و خواطر جت على بالى
و حبيت اعبر عن نفسى

 
المره الجايه نرجع لموضوع مطرووووووح
ان شاء الله 
سلااااااااام عليكم




11:44 م - Posted by Dr Nemo - 0 التعليقات


المهم اتحركنا على الساعه 7 صباحا
خدنا طريق العلمين
هو طريق نضيف اكمنه طريق الساحل الشمالى و مارينا
اللى عجبنى فى السكه انه فى حته من الطريق كانت متغطيه بالالاف الشجيرات الصغيره
ان لم تكن ملايين
على مرمى البصر

كان شكلها جامد
ما شاء الله
وصلنا على الساعه 11 و نص تقريبا الموقف فى مطروح
خدنا تاكسى من هناك
وقفناه فى النص
نجيب فطار
يعنى منفطرش
شويه خضار على بيض على فول على عيش
وصلنا على مقر الاقامه على الساعه 12
كان ناقص نص ساعه على الجمعه
اه صحيح فى فرق توقيت ربع ساعه زياده على مواعيد الصلاه عن القاهره
عقبال ما الى فطر فطر و بدأنا نوضب فى الشقه 
كان الضهر اذن
احنا نزلنا متاخر بتاع 10 دقايق
و شوفت الورده العجيبه دى فى السكه
سبحان الله
عقبال ما وصلنا الجامع
كان الراجل خلص نص الخطبه
و خلص بقيتها فى بتاع 5 دقايق حاجه كده
و الجامع كان فى صف و نص بس
عمرى ما شفت صلاه جمعه فيها صف و نص سبحان الله
رجعنا تانى
كان بقيه اليوم تقريبا تنضيف
توليت انا الكنس
مش عارف ليه انا غاوى الكنس
ههههههههه
كنا هنطبخ الغدا
بعد كده قلنا ننزل البلد ناكل هناك
نزلنا كلنا فى الليدو
حته هناك
و لفينا شويه 
و رجعنا نمنا
و هكذا كان اليوم الاول
To be continued




10:19 م - Posted by Dr Nemo - 1 التعليقات
من مطروح
ايمن
يا نعم
تيجى نروح مطروح فى الاجازه
ان شاء الله  بس نخلص الامتحانات بس
و خلصت الامتحانات
ايمن
يا نعم
ايه رايك نسافر بليل
نعععععم
مش هاسافر بليل انتوا بتهزروا و لا ايه
و بعد شد و جذب اتفقنا نتقابل فى مكتب بتاع اخو واحد منا فى وسط البلد
و نبات هناك و نركب الصبح بدرى
يومها كان عندى عيد ميلاد ناس قرايبنا
كانوا اتجمعوا الساعه 10 بليل
انا ولت بيتنا الساعه 12
عملت الشنطه فى 10 دقايق
(طبعا نسيت حاجات كتير !!!)
و نزلت وصلتلهم على الساعه 1 بليل
طبعا منمتش قلت كلها 3 ساعات على الفجر
قضيتها على الكومبيوتر اللى هناك و اللعب البدائيه اللى عليه
لغايه ما اذن الفجر
عقبال ما قمنا وصلينا
و اتدلعنا
كنا نازلين من المكتب الساعه 6
(متسئلنيش راحوا فين الساعتين دول عشان مش عارف )
ما علينا
نزلنا لقينا الباب مقفول بالقفل بتاع العماره
و البواب مش موجود
الله
يا حلاوه
نعمل ايه
قعدنا ندور على الراجل لغايه ما لقيناه
و فتحلنا
نزلنا و اتمشينا بالاثقال
قصدى الشنط
لغايه ما ركبنا و نزلنا الحته اللى هنركب منها
عربيات لمطروحعقبال ما ركبنا
و حملنا
كانت الساعه 7 
و بدأت الرحله
To Be Continued .....