10:50 م - Posted by Dr Nemo - 5 التعليقات
من بين كل 10 عربيات تلاقى منهم 9 تكاسى
المظلات بتاعت الحسين و المئذنه الشهيره




سلام عليكم
و عليكم السلام
ازيك يا تيفه
ايه اخبارك
تمام يا ريس
بقلك عاوزين نخرج
قشطه بس هتروحوا فين
مش عارفين لسه 
بقلك يا تيفه انا فى الحسين تعالولى
طيب هارد عليك كمان شويه
... 
.. 
. 
كمان شويه 
الو
ايوه احنا هنجيلك
طب قشطه
... 
.. 
. 
دى كانت اول خطوه 
انا كنت هناك و مستنيهم
قلت اخش اصلى المغرب فى الحسين
الجامع ما شاء الله و لا صلاه الجمعه
مليان لاخر صف
صليت
بعد كده لقيت كاميرات و التلفزيون
قلت قشطه
.. 
. 
بس انا مقلتش لحد انى جاى 
عرفوا ازاى
؟؟ 
طلع ان ناقلين حفل من مسجد الحسين 
بمناسبهالاسراء و المعراج
على القناه الاولى و الفضائيه
و اذاعه القران الكريم
الاول بدأ بقرايه القران الكريم
القارىء احمد نعينع صوته روعه ما شاء الله
شوفوه فى الفيديو اللى صورته
يا ريت
صوته بجد ملائكى

و هتلاقوه عيل تحتى كده
فى نص الفيديو
قعد يحضن رجلى و يشد فى الجزمه
يا جدع ابعد عنى
قاعد اضحكله و اقوله هششششش
فى الاخر زهق منى و زقنى و مشى
طيب
بعد كده اتكلم وكيل الاوقاف 
و احمد عمر هاشم
و ختموا الحفل بابتهالات دينيه
بعد كده الناس تدفقت على المقام و لقيت مجموعه كبيره كده قعدوا يغنوا 
انا مسمعتش بيقولوا ايه
و بصراحه مرضتش ادخل جوا
مستحرمها بصراحه
معرفش انا صح و لا غلط
المهم اصحابى دخلوا قروا الفاتحه و طلعوا
كانت العشا قربت تأذن
قلنا نطلع نصلى العشا فى الازهر
الجامع هادى جدا
عكس الحسين
و عباره عن صحن مكشوف
ساحه مش مغطاه يعنى
و حواليها الاجزاء المغطاه
و اروقه الاعمده
اللى كانت اساس جامعه الازهر
كان بيقعد الشيخ و حواليه مريديه و طلابه و ياخدوا منه العلم
صحيح احنا قلنا نضرب ايس كريم و نروش نفسنا
دخلنا عن المالكى و فاردين جناحنا
بنبص على القايمه
الايس كريم ب 15 جندى
ليــــــــــــــــــــــــــــــــــه
دا انا اجيب برميل ايس كريم ب 15 جنيه
روحنا نزلنا على مدينه نصر و ضربنا ايس كريم هناك
من تسيبس ارخص كتيييييييير
بس كانت خروجه ظريفه
هابقى انزل بقيه الصور المره الجايه ان شاء الله
سلااااااااااام عليكم




8:19 م - Posted by Dr Nemo - 5 التعليقات

سلام عليكم

اولا شكرا جدا لكل اللى ردوا عليا
و ساندونى سواء هنا او على المسنجر
بجد كتر خيركم
جزاكم الله خيرا
كلكم
تصدقوا اول مشاركه يجيى عليها 3 ردود
من ساعه مشاركه قصه الدكتوره اللى اتوفت
شكرا ليكم بجد
و دايما مستنى مشاركتكم
ياريت

بعيد عن موود الحزن و الزعل
هادخل بفاصل كوميدى شويه
بعدين الرساله الجايه
هابقى اكتب فيها حاجه لاحظتها
الحمد لله على كل حال
لما كنا فى مطروح
كانت اكبر مغامرتنا فى المطبخ
يا نهار ابيض
احنا سوينا الهوايل
اول يوم عقبال ما نضفنا المكان اللى قاعدين فيه
كنا هلكنا
فنزلنا ناكل فى البلد
مكنش فينا حيل نطبخ
تانى يوم
قلنا هنعمل فراخ بانيه و مكرونه
( اكل الاسبوع كله كان كده تقريبا !!!! )
تطوع واحد و عمل البانيه
من غير ما يتبله
و عمله فى زبده
فطلع حاجه غريبه
فيها طعم البيض عموما مبتفرقش معانا
دخلت انا نافش ريشى
اوعى انت و هو
انا اللى هاعمل المكرونه
مليش فى
تعرف تعلمها
يا نهار ابيض
دى لعبتى
!!!
سخنت المايه
و حطيت المكرونه
و كنت معلى النار على الاخر
الحمد لله عشان كده معجنتش
بس استعجلت عليها
طلعت مطاطيه حبيتين
يعنى
مفيش مشاكل
ايه يعنى
فدايا
البهوات قعدوا يتيرقوا باقى اليوم عليا
و صورونى فيديو بحله المكرونه
(دليل الادانه )
!!!!
صحيح بوظت الصلصه كمان

يعنى
!!!
يوم تانى كان مكرونه برضه بس عملها عبدو
طلعت مظبوطه
يوم تالت عملنا مكرونه بصلصله البيضا
بس طلعت تخينه حبتين
بس اتاكلت
يوم رابع شويت
على فحم و بتاع
تقولش شواى قد الدنيا
الحمد لله
جت سليمه
كانت هتبقى مشكله
اصل الزياطين كتير
و قاعدين لا شغله و لا مشغله
فكله ما بيصدق يزيط
و فى يوم تانى كلنا بره
يااااااه
بجد ايام حلوه
الحمد لله
لو كلنا بنبص على النص المليان دايما
كان حالنا بقى غير كده
الحمد لله
يلا سلام عليكم



10:47 م - Posted by Dr Nemo - 7 التعليقات

عارف لما تكون تايه
لما تكون فى دوامه بتلف بيك
و ترميك يمين و ترميك شمال
لما تكون مش عارف راسك من رجليك
و لا صديقك
من اللى بينافقك
من اللى بيحبك
من اللى بيكرهك
من اللى بيشتغلك
لما تكون بقالك شهور تايه
منهار داخليا
لما تحس انك مش عارف الصح من الغلط
او عارف الصح و مش عارف او مبتعملوش
لما تكون قدام الناس مرح و متفائل
بس من جواك تبقى مشتت
لما تكون من كام سنه فى مستوى كويس
و قاعد تقل
تقل
تقل
لما تكون قاعد تخسر فى الناس
بعد ما كنت بتكون قاعده اصدقاء كبيره
بتكش كل يوم
لما
لما
لما
ادعلوى يا جماعه
شكرا
.
.
.



1:30 ص - Posted by Dr Nemo - 2 التعليقات

القصيده دى كتبتها من سنتين و 8 شهور تقريبا
 الجماعه بتوع اللغه هيتهمونى بافساد الشعر العربى
بس قلت أجرب
كانت بمناسبه دخول دكتور فى محاضره
بس كان دكتور شديد اوى
عموما الراجل انا حبيته بعد كده
بس ده كان انطباعى ساعتها
.
.
.
.

يا معلم الاجيال لم تتكبر .. و التكبر مسلك كل عصيا
فنحن بشر مثلك و لكن ..نتواضع و نرجو الجواء الوفيا
فاءن تفخر علينا بعلم ..فنحن على درب العلم سويا
سنسعى فى سبيل العلم حتى.. نبلغ المجد و المكانه العليا
تواضع يرفعك من خلق .. الانسان و سواه من طين طريا
فقد تواضع الذين هم خير منك .. فجزاهم الله الجزاء الزكيا
فلو عرف الناس فضل التواضع.. لتواضعوا لله العظيم العليا


5:11 م - Posted by Dr Nemo - 0 التعليقات
هييييييييييييه
اخيرا حد عبرنى
بجد اول مره احس ان حد أهتم و رد عليا
و ناقشنى
حسسنى ان اللى انا بقوله مش كلام منزل
فعلا الكلام اخذ و عطا بس اللى كان بيحصل
كان عطا بس
يا ريت امزيد من الناس تشاركنى حتى لو عن طريق الميل
بجد انا باسمع برضه
فى امل فى
يمكن تغيروا فيا حاجه للافضل
مين عالم
..
..
..
اللى بالاحمر هى المشاركه بتاعتى   
اللى هى المشاركه قبل اللى فاتت
اللىبالاخضر الباهت ده تعليق صاحب الايميل
و اللى بلاخضر التقيل ده تعليقى
..
..
..
انا مش هاقول اسم صاحب التعليق
بس هاسيبه ليكم تقروه
..
..
..

www.karakeeeeeeb.blogspot.com
تبقى تشرفونا على البلوج

السلام عليكم
تعليقا على البلوج
انا مش عارف ازاى بضيفه معنديش account
المهم..
..
..
اللى عاوز يضيف تعليق حتى لو معندوش اكونت
ينقى من اختيار الهويه ينقى غير معرف
او يبعته ايميل
..
..
-------------------------------------------------------
مثال حى أحد الناس اللى خسرتهم على ارض الواقع 
قلب معايا بتجاهل 

مفيش شك ان التجاهل وحش جدا
لكن اذا فضلت انت تتجاهل والشخص التانى يتجاهل ايه النهاية؟
القصة دى مثلا زى اصحاب ثانوي
الواحد بعد ما دخل الكلية علاقته بيهم قلت وما عادتش زى الاول صح
ليه انت بتبطل تسال وصاحبك بيبطل سال
خلاص يبقى هتنسو ابعض او تقاطعو بعض
طيب لو انت باقى على علاقتكم دى تعالى على نفسك شوية وابدا انت الكلام
ممكن تلومه بس باسلوب كويس بحيث انه ما يندمش انك رجعت كلمته
..
..
بجد التجاهل حاجه سيئه جدا
بس انا متفق  ان لو كل طرف من الطرفين أصر على رأيه
و دخل فى ما يشبه دائره العند 
يبقى مفيش حل هيظهر
بس فى بعض الاحيان ممكن انا اللى أبدأ
و اجرب ارجع عن تصرف زعل اللى قدامى بس ملاقيش استجابه
ساعتها ممكن اجرب مره او اتنين او تلاته كمان 
بس بعد كده خلاص
انا مقدرش اجبره على حاجه
و فى نفس الوقت انا مش هافرض نفسى عليه
..
..
-------------------------------------------------------
انك تلاقى واحد منفضلك 
او ضربلك طناش 
بجد بتحزن اوى
و للاسف حصل معايا الموقف ده
بالذات لو كنت فى موقف فرحان اوى فيه
و طالع السما
و نفسك الناس تفرح معاك
او تقلك على الاقل مبروك
و حسيت ان فى حد مبيشارككش فرحتك
او ساب المكان و مشى
بجد حاجه تزعل

متعرفش ظروف الناس ايه فبلاش تحكم من غير سبب
..
..
ماشى بس  لو كان المنظر العام يوحى بكده
ممكن صدفه
مممممممم
ماشى
بس صعب
-------------------------------------------------------

غير كده ممكن عوامل خارجيه تاثر على نظره احد الطرفين للاخر
او يحصل موقف غير مباشر يفسر تفسير خاطىء
فالعمليه
تتنيــــــــــــــــــــــــــل اكتر

يبقى احسن حل انك تبررالعوامل دى او المواقف حتى لو لم يطلب منك 
..
..
فى بعض العوامل لا تفسر
أو فى بعض الاحيان ممكن تزيد المشكله
او ادخل نفسى فى دايره الشبهات ليه
زائد ان المفروض يبقى فى هامش ثقه بين اى شخصين او طرفين او اى 2

-------------------------------------------------------
يمكن المجتمع او البيئه او قيمنا و دينا يمكن يقفوا عائق
او يكونوا سبب من المشكله
مع انهم فى الحقيقه قد يكونوا منظمين
و منسقين للحياه الاجتماعيه
و ان كان ليس دائما

عمر الدين مهما كان الموقف كان عائق ادام اى علاقة بالعكس الدين هو اللى بيقولك ازاى تعامل صاحبك او ايه حدود العلاقة بينكو
او حتى زميلاتك البنات كمان 
عايزين نمشيه على هوانا عشان كده بنحس انه بيتعارض معانا
لكن ابدا 
..
..
انا اتفق معاك
بدليل انى قلت
انهم فى الحقيقه منسقين
بس لما عقبت و ان لم يكن دائما
يمكن عشان عاوزين نمشيه على هوانا
بس مش لازم الدين
فبعض التقاليد او العادات او العرف
ليه دور فى العلاقات الانسانيه
و هنا العرف عكس الدين
يحتمل الصواب و يحتمل الخطأ
يحتمل ان يكون سبب للمشاكل

---------------------------------------------------

طول فتره معرفتنا 
يا ترى لحظه الغضب دى 
او لحظه الزعل دى 
ممكن تطير كل حاجه حلوه 

عشان كده قال ربنا سبحانه وتعالى قال:"والكاظمين الغيظ والعافين عن الناس" 
ليس الشديد بالصرعة انما الشديد الذي يملك نفسه عند الغضب او كما قال صلى الله عليه وسلم

ختاما متزعلش حد منك
وعامل الناس كما تحب ان يعاملوك

فعلا ملقتش خاتمه احسن من كده
ليس الشديد بالصرعه
صدق رسول الله صلى الله عليه و سلم
شكرااااااااا على الرد
و فى انتظار المزيد