الجزء الثانى :

اتكلمنا عن قوه الغضب و قوه الحزن

تعديل بسيط الحزن الجامد زى موت احد الاصدقاء دى طاقه هدامه بتهد

بس انواع تانيه من الحزن اخف ممكن تقلب طاقه دفع

الاختلاف فى الرأى لا يفسد للود قضيه

طيب ماشى حلو

بس ساعات الواحد بيكون شايف أنه صح و غيره غلط

و خايف على غيره من الغلط ده

ساعتها بيحاول يوصله رأيه باصرار و ليس اجبار

هنا الفكره انه مش بيجبر بس خايف على الطرف الاخر

شايف أنه ماشى فى سكه غلط

و انه واجب عليه أنه ينبه

ولو يقدر هيجبره

بيبصله هنا نظره الطفل اللى بيلعب بالكهرباء

هنا انت بتجبره و لا تخيره عشان دى فيها حياته

برضه نفس الكلام هنا مع الكبار بس بلا اجبار

بس من جواك بيبقى نفسك ليك سلطه عليه

ليس تجبرا او  تسلطا بس حبا انك تخرج حد بتحبه من حاجه انت شايفها غلط

طب ايه الحل

اولا ممكن تبقى انت الغلط و هو اللى صح بس انت شايف ان الموضوع غلط

ساعتها دوره انه يقنعك

لو مش شخص مهم ليك ممكن تنفضوا لبعض

بس عمر ما التنفيض كان حل

دا حل الكسالى و الخائبين

دا رأيي

فأنت تحاول معاه مره و اتنين و تلاته

بس هتوصل لمرحله من عدم الاستجابه و ملل من الطرف التانى 

ممكن يبتدى هو ينفضلك

و تدخل فى حاله الحزن اللى قلت عليها فى الجزء الاول اللى ممكن تستخدمها كطاقه دفع

بس لو وصلتوا لطريق مسدود و عدم اقتناع هتدفع ايه

يتبقى الدعاء

عليك بالدعاء دا اللى متبقليك

لعل الله يفتح عليكم و يهيدكم و يهدى الناس جميعا

اللهم اهدى قومى فانهم لا يعلمون

امين

كل عام و انتم بخير

من المره الجايه ان شاء الله مقالات رمضانيه

يلا سلام عليكم

الغضب و الحزن 
نوعان من الطاقه
انت لو غضبان او زعلان بتتدفق فيك طاقه اضافيه
ممكن تأدى بيها أحسن
ممكن محدش يصدقنى بس جرب أن حد زعلك
أو ضايقك أو أغضبك
و بس رد فعلك عامل ازاى
هتلاقى رد فعل قوى و متطور عن ردود فعلك العاديه
هتلاقى انك بستغل الطاقه دى 
خلاصه الكلام
انا مره كنت مضايق
فكتبت دى 

**********
أخط هذه الكلمات بروح جميله قهرتنى و عيونا صارت لى بمثابه مصباحين
 يهديانى فى ظلمه ليل سرمديا تاهت فيه النجوم 
و كيف أهتدى و قد ضل دليلى 
و كيف أنجو و قد أنقطع رجائى 
و كيف سأقهر نفسى 
كيف أهدم بنيان أنهكت روحى فى بنائه 
و بذلت فيه ماضيي و حاضرى و مستقبلى
 ربما كان استغلال غير مناسب لقدراتى و امكانياتى
 ... لكن كيف و أنا اؤمن بعد موجود المستحيل
... أومن بتحدى الذات و تحدى كل شىء
 لكن أخبت الهدف هذه المره
 أم أن العيب ليس فى الرامى و لكن هل يعاب الهدف ؟؟؟ 
أم أن خيبه الرامى تجعله يهرع لسرد الاسباب و الحجج ...
ااااه لقد سبق السف العذل 
و سيعلم مستقبلى ما ضاع ماضيه فيه لعله يصلحه فى حاضره 
و السلام خير ختام
***********

طبعا انا مش عوايدى أكتب بلغه فصيحه أو أعيش دور الشهيد بس اللى حصل
عموما للكلام تكمله ان شاء الله


بس أحب أسمعكم هل الغضب يمثل لكم قوه دفع استثنائيه
؟؟؟؟

شدتنى اوى الصوره دى و انا بقلب على النت

خلتنى اغير الموضوع اللى كنت بفكر أكتب عنه

قد ايه لخصت الصوره دى صلاتى و يمكن صلاه كتير غيرى

و تلاقى الواحد واقف بيقول لنفسه يلا هانت

كلها ركعتين و نخلص

للاسف حالنا وصل للدرجادى

تدخل على المواقع الاسلاميه عشان تدور على حل يقولك

استجماع النيه و الخشوع و الاحساس بالوقوف بين يد الله

بس برضه مبقدرش انفذ او اطبق الكلام ده

لدرجه الواح ممكن يوصل لحاله ياس

هو كده بقا انا هاعمل ايه يعنى

ربنا عاوز كده

؟
بس ان تنصروا الله ينصركم

يبقى أكيد الحل فى ايدينا

بس ازاى

؟