4:47 م - Posted by Dr Nemo - 1 التعليقات





بسم الله الرحمن الرحيم

ازيكم يا شباب

فى اخر حلقاتنا فى الاجازه

قبل ما نرجع الدراسه المبجله

المهم حدودتنا انهارده جامده مووووووووز

حته ارض جنبنا

بقالها كتير فاضيه

بعدين من شهرين اتحفرت

و الراجل جاب اطنان من الاسمنت و الزلط

و جاب رسم هندسى و علقه قدام العماره

بنر انه هيبنى برج 11 دورو شكل البرج

و اللى عاوز يحجز

و قشطه يعنى

طب ايه المشكله يا عم انت

هو انت عمرك ما شوفت حد بيبنى

لا شوفت بس مش هى دى التيته

انا جاى فى الكلام اهه

بعدى جنب الارض من يومين

لقيت اللوحه اتشالت

و لوحه تانيه محطوطه بدلها

لعنه الله على مغتصبى الارض

و ان صاحبها فلان الفلانى

و معملش حاجه

و ملوش دعوه باللى حجزوا شقق مع المالك المزور

يا نهار مش فايت

انا اعرف الواحد يقلب محفظه

موبايل

عربيه

بس حته ارض

و يبنيها كمان

يا ساتر على ده زمن

ده الواحد ييع اهله على كده

و حسب ظنى ان ادام الارض بتغتصب فى وسط مصر

فى وسط الاهل

يبقى منزعلش على ارض فلسطين

هو احننا قادرين على نفسنا عشان نقدر على غيرنا

ربنا يستر و يطلعنا منها على خير

اقابلكم الاسبوع الجاى على يوم الخميس

قعده الكومبيوتر الجايه

دراسه بقى

سلاااااااااام عليــــــــــــكم


4:01 م - Posted by Dr Nemo - 0 التعليقات



من يستطيع أن ينجح في كل شيء يفعله في حياته, سواء في عمله أم في منزله وفي محيطه الاجتماعي؟! ومن منا لم يخطئ في أداء مهامه أو القيام بواجباته؟! ومن من البشر لا يتعثر مرات في مسيرته الحياتية؟! الإجابة "لا أحد".. كل إنسان يخطئ ويصيب، وكل شخص يفشل مرة بل مرات، ولكن أصحاب الإرادات والقدرات هم الذين يجعلون من الفشل طريقًا إلى النجاح، ويضعون أمام أخطائهم عشرات الخطوط لانطلاقة حياة جديدة.
ولننظر إلى أنموذج واحد، وهناك آلاف النماذج، وهي قصة الرئيس الأمريكي إبراهام لينكولن ولننظر إلى معدلات الفشل في هذه التواريخ:
· فشل في عمله عام 1831.
· فشل في عمله مرة أخرى عام 1834.
· أصيب بصدمة عصبية نتيجة موت زوجته عام 1835، تطورت إلى انهيار عصبي عام 1836.
· فشل في الانتخابات في سنة 1838.
· ثم مرة ثانية في عام 1846.
· ثم ثالثة في عام 1847.
· فشل في انتخابات النواب عام 1855.
· فشل في أن يصبح نائب الرئيس عام 1856.
· فشل مرة أخرى في انتخابات النواب عام 1858.
وبعد كل هذا السجل العامر بالفشل، يصاحبه سجل آخر عامر بالعناء والجهد المتواصل والإصرار على بلوغ هدفه.. بعد كل هذا انتخب إبراهام لينكولن رئيسًا للولايات المتحدة الأمريكية سنة 1860 وهو في الحادية الخمسين من عمره, وهو الذي لخّص تجربته في النجاح والفشل بقوله: "إنك لن تفشل إلا إذا انسحبت".



هو ده اللى قصدى عليه يا جماعه

الواحد ممكن ياخد قفا اتنين تلاته اربعه

مش مهم

المهم يقوم زى القرد

محدش يقدر يهزم الاراده

الحاجه الوحيده اللى الدنيا كلها متقدرش عليها

الفشل او طريق النجاح

بس يعنى مش هافشل نفسى

و اقول عشان بقى انجح

بالعقل يعنى

و ربنا يكرمكم


1:06 ص - Posted by Dr Nemo - 0 التعليقات


اييييييييييييه دنيا

فوزنا على كوت ديفوار اربعه واحد

ارزاق و الله

فى ناس تحسانها ماشيه معهم كده

تيجى مع العمى طباش

لا بجد سبحان الله فى ناس تحس يا اما ربنا مباركلها اوى يا اما بتيجى معاهم بطاطس

يعنى اعرف ناس من ثانوى يمكن كانوا بيذاركوا كويس

بس نتيايجهم ضعيفه

وناس تذاكر قبل الامتحانات و تنجح و هما يمكن مفهمش امل

مع انى وجه نظرى اللى هيزرع خيار مش هيطلعله مانجه

هى كده الدنيا

طب ايه السبب يوم عليك و يوم ليك

ممممممممممممممم معتقدش

انا شايف ان السبب اللى بلعته هى الايه اللى بتقول

و تلك الايام نداولها بين الناس

صدقت يا رب العزه

طب انت فى ايدك ايه تعمله يا غلبان

و الله فى اى حال من الاحوال

انت تعمل اللى عليك و ربنا هو اللى بيكرم

مترميش طوبه اى حاجه

مش اى حاجه تقف فى سكتك ترو قايلها ملعون ابوكى بل وجع دماغ

اصل لوالدنيا كده مكنشد غلب

سمعتو قصه ابراهم لينكلون قبل كده

انا هابقى ادور عليها و اجبها و دى اكبر مثل على اللى بقوله

سلااااااااام



11:37 م - Posted by Dr Nemo - 1 التعليقات
سلام عليكم
اهلا بيكم فى هذا البث المباشر من كوكب كراكيب
و نعتذر عن الانقطاع الخارج عن ارادتنا
عشان النت كان قاطع
اصل فى شويه غزاه قطعوا السلك و هو معدى جنب المريخ
غالبا عشان مدفعنش الفاتوره من مده
المهم
انا جه على بالى حاجه مهمه جدا جدا
قعدت اسال نفسى ليه بنلبس ساعات
ليه ممكن واحد يوقفك فى الشارع يسالك الساعه كام
بس عمر ما واحد يوقفك فى الشارع يسالك عن ماتش الاهلى خلص كام
هتقولى يا عم فكك
نتيجه الماتش اهم من الوقت
طب بتسال ليه عن الوقت اذ كان مش مهم
و لا هو مهم و انت عامل عبيط
الاغلب انك عامل عبيط
فى بلاد بره
انت لو اديت معاد لواحد هيجى قبل معاده
و لو اتاخر عن معاده هيبقى نهار ابوه اسود
هيبقى مضايق جدا
\هيطلع واحد يقولى ايه يا عم هنقلد الكفار يعنى ؟؟|\
و ده ردى عليه
!!!!!
انت تاخد الوحش بتاعهم
و تسيب الحلو بتاعهم
 لما تدى واحد معاد الساعه 10
و تلاقى المعاد الساعه 2
يبقى حاجه عيب اوى
اصل كيد اللى قال ان الوقت كالسيف
مكانش بيهيس علينا
دا الوقت الحاجه الوحيده اللى بتروح و مبتجيش
يا ريت نتعلم من غلطاتنا
و منكابرش
و كل سنه و انتم طيبين
نشوفكم فى وقت تانى
سلااااام


8:46 م - Posted by Dr Nemo - 0 التعليقات
سافرت البلد يوم صد  رد
بلد امى
كانت اول مره اروح من سنين طويله
المهم انا دونت بعض الملاحظات اللى احب اشارككم بيها

1\كان فى مدخنه طوييييييييييييله فى السكه بتاع 30 متر و لا اكتر
و كان حواليها حته سلم ينفع فى فيلم رعب ملفوف حواليها فى شكل حلزونى
و تقريبا ملوش دربزين و حاجه ايه
عمار يا مصر



2\برضه كان فى حاجه عجبتنى اوى
نظرا للنجاح الباهر الذى حققته مصر فى مجال التعليم
فوصلنا لحته حاجه زى كمين كده بتاع 7 لوح ورا بعض مكتوب عليهم
stop
مش عارف لو كانوا كتبوا قف كان حصل حاجه و لا مصر كلها بتقرا انجليزى
و لا يكونوا حاطنها للاجانب اللى بيغوصوا فى اعماق مصر
!!!!!!!!



3\ طريق سفر
طريق اسكندريه الزراعى
حاطين فيه مطب
يمكن زرعوه عشان طريق زراعى
؟
و لا الاهالى زرعوه يمكن





4\برضه كان فى حاجه مسخره
على الطريق لوحه مكتوب عليها اقصى سرعه للملاكى 90 كيلو
بعدها بخمسه متر
هدى منطقه سكنيه
واضح فعلا
!!!!!!!!!!!!!





5\ التاكسى هناك جامد طحن
اخضر فى اصفر
بس بينى و بينكم انضف من التاكسى بتاعنا فى الشكل
مشوفتش قطع اثريه بتمشى فى الشوارع زينا
طبعا
ما احنا 7000 سنه حضاره

6\ كان معايا جدى فى السفريه دى
فكان بيحكلنا عن واحد صاحبه كان اسمه مصطفى خليل
كان رجل من الاولياء
كان الشيخ الشعراوى لما كان ماسك وزاره الاوقاف
جاله ناس فى مشكله و كانوا عاوزين فلوس
فقالهم طيب لما يوصلنى حاجه هابعتلكم
بعد ما مشيوا جاله واحد من طرف الحاج مصطفى خليل
(اللى كان ساكن اصلا فى بورسعيد )
معاه فلوس بالظبط قد اللى طلبها الناس دول
بيقوله فرقها عل ى اللى محتاجها
فاتصل بيه الشيخ الشعراوى بيقوله ايه ده يا مصطفى
فقاله متسالش
!!!!
رحمه الله عليهم هما الاتنين




7\و احنا فى الطريق
افتكرت الحديث الى بيقول ان اللى بيقول
سبحان الله و الحمد لله و لا اله الا الله و الله اكبر
اتغرزله نخله فى الجنه
فقعدت اقول شويه
بعد شويه شوفت منظر مش هانساه طول حياتى
صفين نخل
كل صف فيه بتاع 8 نخلات او 10
و نخل طويييييييييييل
و بين مسافات كبيره شويه
شكله حلو اوى
فابتسمت