9:19 م - Posted by Dr Nemo - 3 التعليقات
الاذى لمجرد الاذى
دى عناوين الاخبار انهارده
فى يوم من الايام
صاحى بدرى عشان احضر جمال
باينى كان العملى
و الدرس الساعه 8 الصبح
( مش طالبه خالص )
يلا ما علينا
نزلت اخر الكوبرى و بتمشى وسط الهواء العليل ناحيه فلفله
المهم لقيت المرحوم ده
كانت لوحه اعلانات زى اى لوحه اعلانات
عندها امل فى المستقبل
تشيل يوم اعلان لاحد المشاهير
و الناس تيجى تقف و تتفرج عليها
و هى تتمايل يمين و شمال
و تغيظ بقيه لوح الاعلانات
بس الزمن غدار
جه بعض المؤذين
اللى هشموها لاشلاء متطايره
اكيد و الله اعلم انهم مستفادوش حاجه
بس للاسف دى ثقافه سايده فى شعبنا الغالى
الاذى لمجرد الاذى
عشان بيستمتع بانه كسر دمر بوظ
اظن و الله اعلم ان الغلابه احوالنا جواهم شحنه غل و غيظ
كل واحد بيطلع غيظه فى اللى اضعف منه
فدا يا عينى واحد غلبان ملقاش الا لوحه الاعلانات
راح بطحها
طب و هى مال اهلها
؟؟؟
يعنى تكسرها ليه افهم بس
لو مش عجباك متبصش عليها
اعمل عبيط
لو جواك غل حاول تحل المشكله
هو صحيح بينى و بينك انى لو متغاظ من دكتور مثلا
اسهلى من انى اكلم الدكتور
انى اروح اكسرلى حاجه
بس المشكله متحلتش
و لو المشكله ليها حل غالبا بنلجا للعنف
يمكن عشان نستقوى على الناس
او نوريهم ان اليوم اللى داسوا فى على طرف لينا
كان يوم اسود عليهم
طب يا عم و الله المشكله اتحلت على طول
يبقى قشطه
مش لازم تفرد عضلاتك علينا
و الله لو المشكله ملكعه
او انت من الغلابه حالتنا
يبقى عليك عدل على ربنا
ناس كتير بتكسل او تقلك اخد حقى بدراعى
او تقول يمكن ربنا ميستجبش
اقولك دى مش بتاعتك
انت لو عملت اللى عليك و دعي
سيب الباقى على ربنا
و الخير هيجيلك
دى مش مثاليه فضلى و لا كلام و حكم
دا المنطق
لو اللى ظلمك اقوى منك
تروح للاقوى منه
صح
و هل فى اقوى من ربنا
؟؟؟؟
اشوفكم الاسبوع الجاى
سلام عليكم و رحمه الله و بركاته


4:39 م - Posted by Dr Nemo - 0 التعليقات



بسم الله الرحمن الرحيم

ازيكم يا شباب

عاملين ايه

ان شاء الله تكونوا بخير

معلش ظروف الدراسه مبقاش الواحد يدخل الا كل فين و فين

يلا الحمد لله

بصوا انا مكنتش بحب ارغى كتير

اصل الموضوع مش بيتقاس بالمتر

بس عشان مجمع مواضيع الاسبوع كلها

فاحط كذا موضوع

يا مسهل يا رب

---------------------------------------------

بين اكرا والعباسيه مشهدان مختلفين و شعور واحد !!!!


يوم الاحد كان النهائى الملحمى بين مصر و الكاميرون و بصراحه كان ماتش محترم


مش تعبان زى بتاع كود ديفوار


و فى نفس اليوم طلعت نتيجه البارا و الباثولوجى


!!!!!!!


يا ساتر يا رب


هى النتيجه طلعت امتى


؟؟؟؟؟


المهم ايه اللى رابط بين الاتنين دول


انا كنت بشجع مصر مش عشان الوطنيه اللى بتقطع نفسها


بس عشان عاوزهم يفوزوا


عاوزهم يرفعوا الكاس


_ ياااا عم هتحيرنا معاك بتغير كلامك ليه !!! _


اا كنت بشجع مصر عشان اشوف لحظه رفع الكاس


لحظه النجاح
بجد يا جماعه اللحظه تساوى الدنيا كلها


لما تكون عندك هدف


و عملت كل حاجه عشان توصله


_ كل حاجه مشروعه !!! ها ... مش غش و لا ..... !!!! _


بتيجى اللحظه دى بتنسيك كل حاجه


بتعيشك فى عالم تانى


اد ايه لحظه النجاح حلوه بس ليها عيب غبى


انك ممكن تكسل فى اى وقت و تكبر الطاسه


_بلا نيله يا عم هما اللى نجحوا عملوا ايه بالنجاح يعنى !!!_


بس بجد يا جماعه لحظه النجاح دى اكبر من انها توصف


اكيد يا معشر طب كلكم حستوها فى ايام امتحانات الثانويه العامه


و اهم امتحان طبعا و مننسهوش الامتحان اللى مفيهوش دور تانى


امتحان الاخره


ساعتها النجاح ....


بس دا عاوز موضوع لوحده


فرصه تانيه بقى نبقى نتكلم عليه


يلا مبروك لمصر و للمتفوقين


و هاردلك للكاميرون و الغلابه شدوا حيلكم السنه و الموسم لسه طويل


و ربنا يكرمكم كلكم


امين


---------------------------------------------------------


الانتريه :




اعلان مستفز طحن


شوفته فى جرنان الثلاثاء


مش عارف محل ايه بتاع الموبليا


يبارك للمنتخب و بيدى طقم انتريه لكل لعيب لعب فى النهائى


!!!!!!!!!


يا ساتر يا رب


يعنى يه لزمه الجايزه دى


ابو تريكه مثلا و لا زيدان


يا حبه قلبى مش لاقيين يجيبوا اطقم انتريه


غلابه ؟؟؟؟؟


اصل اكيد و لا لعيب من المنتخب


هيشيل الانتريه اللى عنده


و يحط واحد هديه


طب مكان المحل اولى يعمل خصم مثلا بمناسبه الفوز


كان جاب زباين


كان اتبرع بيهم لو مضايقينه اوى


لا حول ولا قوه الا بالله


---------------------------------------------------------


المنتحر :



كنا فى حصه علاء فارما


كان بيتكلم عن حاله شافها


شاب حاول ينتحر بجرعه عاليه من الدجيتالس


(digitalis and he enter in ventricular fibrillation and when they try to antagonize it by DC shock)


الجهاز مكانش مشحون


!!!!!!!!!!!!!


الممرضه باينى نسيت تشحنه


المهم يعنى الراجل مات


فلما خلص علاء القصه واحده قالت احسن


اتغظت اوى


يا جماعه ان مهنتنا دكاتره


مش هنصنف الناس اللى بنعالجهم


لا دول محترمين و متدينين نعالجهم


و دول ولاد ستين فى سبعين يلعن ابوهم


لا خالص


انت لو قدامك واحد من كفار قريش


و محتاج علاج


مسئوليتك الاخلاقيه انك تقدمله المساعده


و لا ايــــــــــــــــــــــــه


؟؟؟؟؟
!!!!
انا انهارده بليل هابقى على المسنجر ان شاء الله
اشوفكم هنا الخميس الجاى
السلام عليكم


4:47 م - Posted by Dr Nemo - 1 التعليقات





بسم الله الرحمن الرحيم

ازيكم يا شباب

فى اخر حلقاتنا فى الاجازه

قبل ما نرجع الدراسه المبجله

المهم حدودتنا انهارده جامده مووووووووز

حته ارض جنبنا

بقالها كتير فاضيه

بعدين من شهرين اتحفرت

و الراجل جاب اطنان من الاسمنت و الزلط

و جاب رسم هندسى و علقه قدام العماره

بنر انه هيبنى برج 11 دورو شكل البرج

و اللى عاوز يحجز

و قشطه يعنى

طب ايه المشكله يا عم انت

هو انت عمرك ما شوفت حد بيبنى

لا شوفت بس مش هى دى التيته

انا جاى فى الكلام اهه

بعدى جنب الارض من يومين

لقيت اللوحه اتشالت

و لوحه تانيه محطوطه بدلها

لعنه الله على مغتصبى الارض

و ان صاحبها فلان الفلانى

و معملش حاجه

و ملوش دعوه باللى حجزوا شقق مع المالك المزور

يا نهار مش فايت

انا اعرف الواحد يقلب محفظه

موبايل

عربيه

بس حته ارض

و يبنيها كمان

يا ساتر على ده زمن

ده الواحد ييع اهله على كده

و حسب ظنى ان ادام الارض بتغتصب فى وسط مصر

فى وسط الاهل

يبقى منزعلش على ارض فلسطين

هو احننا قادرين على نفسنا عشان نقدر على غيرنا

ربنا يستر و يطلعنا منها على خير

اقابلكم الاسبوع الجاى على يوم الخميس

قعده الكومبيوتر الجايه

دراسه بقى

سلاااااااااام عليــــــــــــكم


4:01 م - Posted by Dr Nemo - 0 التعليقات



من يستطيع أن ينجح في كل شيء يفعله في حياته, سواء في عمله أم في منزله وفي محيطه الاجتماعي؟! ومن منا لم يخطئ في أداء مهامه أو القيام بواجباته؟! ومن من البشر لا يتعثر مرات في مسيرته الحياتية؟! الإجابة "لا أحد".. كل إنسان يخطئ ويصيب، وكل شخص يفشل مرة بل مرات، ولكن أصحاب الإرادات والقدرات هم الذين يجعلون من الفشل طريقًا إلى النجاح، ويضعون أمام أخطائهم عشرات الخطوط لانطلاقة حياة جديدة.
ولننظر إلى أنموذج واحد، وهناك آلاف النماذج، وهي قصة الرئيس الأمريكي إبراهام لينكولن ولننظر إلى معدلات الفشل في هذه التواريخ:
· فشل في عمله عام 1831.
· فشل في عمله مرة أخرى عام 1834.
· أصيب بصدمة عصبية نتيجة موت زوجته عام 1835، تطورت إلى انهيار عصبي عام 1836.
· فشل في الانتخابات في سنة 1838.
· ثم مرة ثانية في عام 1846.
· ثم ثالثة في عام 1847.
· فشل في انتخابات النواب عام 1855.
· فشل في أن يصبح نائب الرئيس عام 1856.
· فشل مرة أخرى في انتخابات النواب عام 1858.
وبعد كل هذا السجل العامر بالفشل، يصاحبه سجل آخر عامر بالعناء والجهد المتواصل والإصرار على بلوغ هدفه.. بعد كل هذا انتخب إبراهام لينكولن رئيسًا للولايات المتحدة الأمريكية سنة 1860 وهو في الحادية الخمسين من عمره, وهو الذي لخّص تجربته في النجاح والفشل بقوله: "إنك لن تفشل إلا إذا انسحبت".



هو ده اللى قصدى عليه يا جماعه

الواحد ممكن ياخد قفا اتنين تلاته اربعه

مش مهم

المهم يقوم زى القرد

محدش يقدر يهزم الاراده

الحاجه الوحيده اللى الدنيا كلها متقدرش عليها

الفشل او طريق النجاح

بس يعنى مش هافشل نفسى

و اقول عشان بقى انجح

بالعقل يعنى

و ربنا يكرمكم


1:06 ص - Posted by Dr Nemo - 0 التعليقات


اييييييييييييه دنيا

فوزنا على كوت ديفوار اربعه واحد

ارزاق و الله

فى ناس تحسانها ماشيه معهم كده

تيجى مع العمى طباش

لا بجد سبحان الله فى ناس تحس يا اما ربنا مباركلها اوى يا اما بتيجى معاهم بطاطس

يعنى اعرف ناس من ثانوى يمكن كانوا بيذاركوا كويس

بس نتيايجهم ضعيفه

وناس تذاكر قبل الامتحانات و تنجح و هما يمكن مفهمش امل

مع انى وجه نظرى اللى هيزرع خيار مش هيطلعله مانجه

هى كده الدنيا

طب ايه السبب يوم عليك و يوم ليك

ممممممممممممممم معتقدش

انا شايف ان السبب اللى بلعته هى الايه اللى بتقول

و تلك الايام نداولها بين الناس

صدقت يا رب العزه

طب انت فى ايدك ايه تعمله يا غلبان

و الله فى اى حال من الاحوال

انت تعمل اللى عليك و ربنا هو اللى بيكرم

مترميش طوبه اى حاجه

مش اى حاجه تقف فى سكتك ترو قايلها ملعون ابوكى بل وجع دماغ

اصل لوالدنيا كده مكنشد غلب

سمعتو قصه ابراهم لينكلون قبل كده

انا هابقى ادور عليها و اجبها و دى اكبر مثل على اللى بقوله

سلااااااااام