كنت داخل الشارع بتاعنا فى امان الله
للعلم هو شارع هادى جدا
لقيت زحمه و ناس كتير واقفه
و عربيه اسعاف
يا ساتر يا رب
وقفت اتفرج
و سئلت قالولى دا واحد خبط اتنين راكبين فزبه و طلع يجرى
لا حول و لا قوه الا بالله
يعنى اللى خبطته دا ممكن مثلا يكون حصلوا حاجه
نزيف داخلى واو اى حاجه تانيه
بدل ما تلحقه و تنقله للمستشفى بدل ميحصله مصيبه او يموت لا قدر الله
تسيبه و تتطلع تجرى
للأسف ناس كتيره معندهاش شجاعه مواجهه اخطائها
و تحمل المسؤليه و العواقب
تلاقيه عمل العمله و جرى
مع ان تحملك مسئوليه غلطك و محاولتك اصلاح ما يمكن اصلاحه غير انه هيريح ضميرك
و هيقلل من ذنبك
فدا ممكن يسيب أثر كويس فى نفس اللى غلطت فيه
او على الاقل هيقلل الضغينه
المهم حمدت ربى انى موصلتش وقت الحادثه
قعدت اتخيل و انا داخل الشارع و الحادثه حصلت قدامى
و بعد كده جت مصادفه ان حد يعرفنى شاور عليا و قال
اوعوا الدكتور وصل
دكتور مين يا عم
ابعد عنى
كنت هاطلع اجرى مع الراجل اللى خبطهم
خدنى معاك يا عم
قال دكتور قال
!!!!!!!!!!!!
الموقف دا خلانى اكثر عزما انى اخد دوره اسعافات ان شاء الله
هو انا كنت ناوى من مده
بس دا حفزنى اكتر
بعد كده قعدت اتخيل لما كنت هاقولهم معرفش
كانوا هيسألونى طب نمره الاسعاف كام عشان نكلمهم
احم احم
معرفش
ههههههههههههه
صحيح حد عنده فكره الاسعاف نمرتها كام
هى و المطافى
؟؟؟؟؟؟؟؟؟؟
يا سلام لو تفيدونا
و الله المفروض نكون عارفينها للظروف لا قدر الله
يلا خيييييييييييير
سلام عليكم
7 التعليقات:
Dr Gad يقول...
نمره الاسعاف
ههههههههههههه
123 ياعم يلا هيص وافرح
و ابقي اتعلم اسعافات عشان مهمه في المواقف اللي زي دي يابني الحمد لله انا لحقت نفسي بدري بدري وخدتها عقبالك :D
Dr Nemo يقول...
ماشى يا عم ديد
هوبا 123
هوبا 123
يا مسهل
فى الاجازه بقى ان شاء الله
انت خدتها فين
؟؟؟؟؟؟؟
و كانت كويسه و لا ايه نظامها بالظبط
Raghda Rashad رغده رشاد يقول...
و انا كمان
و نفسى اعمل
CPR
لحد و انقذ حياته
ربنا يسهل
الاجازة مش عارفة هيحصل فيها ايه و لا ايه
مترددش انك تاخدها او حتى تذاكرها و ترتبها فى دماغك مع نفسك
mahmood taha يقول...
بجد مش مصدقك !!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!
Dr Nemo يقول...
انا ناوى ان شاء الله يا رغده
و ان شاء الله مش هاكسل
يا مسهل يا رب
اكيد هتنفع فى موقف ما
ساعتها لن تقدر بثمن
مش مصدق ليه يا عم طه
يا ساتر عليك
غير معرف يقول...
لا انا مصدقك جدااا يا ايمن انا كل يوم بتخيل لو وقفت فى موقف زى ده خصوصا لو ماسك البالطو!!!!
بس المشكله انك لو معرفتش تتصرف مش هيسئلوك على الاسعاف ده هيحصل حاجات تانيه!!!!!!!
Abdo
:)
Dr Nemo يقول...
فعلا مشكله يا عبدو
ربنا يستر
خيييييير
لسه قدامنا ايام طويله نتعلم فيها
متيجى معايا دوره الاسعافات يا واد
؟؟؟؟؟؟؟
ان شاء الله